28 December, 2017
පැෆ්රල් සංවිධානය හා පොලිස්පතිවරයා අතර සාකච්ඡාවක් හෙට (29) පොලිස් මූලස්ථානයේදී පැවැත්වීමට නියමිතය.
එම සාකච්ඡාවේදී දූෂිත අපේක්ෂකයින් සම්බන්ධයෙන් පැෆ්රල් සංවිධානය වෙත ලැබී ඇති තොරතුරු එහිදී පොලිස්පති පූජිත් ජයසුන්දර මහතා වෙත ලබාදීමට නියමිත බවයි පැෆ්රල් විධායක අධ්යක්ෂ රෝහණ හෙට්ටිආරච්චි මහතා සඳහන් කරන්නේ.
එමෙන්ම නිදහස් හා සාධාරණ මැතිවරණයක් පැවැත්වීම වෙනුවෙන් පොලීසිය දීර්ඝකාලීනව ලබාදුන් සහාය අඛණ්ඩවම ඉදිරියටත් ලබාදේ යැයි විශ්වාස කරන බවත් මැතිවරණ අක්රමිකතා මැඩපැවැත්වීමෙහිලා පොලීසිය මේ වන විටත් සාධනීය මැදිහත්වීමක් සිදුකරමින් සිටින බවත් විධායක අධ්යක්ෂවරයා පැවසීය.
